ესტონეთის პრეზიდენტი კერსტი კალიულაიდი „ტვიტერზე“ ეხმიანება საქართველოში მიმდინარე ბორდერიზაციის პროცესს.
„დღეს ვესაუბრე ზურაბიშვილს რათა დამედასტურებინა, რომ ესტონეთი გმობს საქართველოსა და ოკუპირებულ სამხრეთ ოსეთს შორის ბორდერიზაციის პროცესის გაგრძელებას. საერთაშორისო საზოგადოება არასოდეს დაივიწყებს საქართველოს ნაწილობრივ ოკუპაციას“, - წერს ესტონეთის პრეზიდენტი.
7 აგვისტოდან დაწყებული უკანონო სამუშაოები ბოლო სამი დღის განმავლობაში შეჩერებული იყო.
19 აგვისტოს, საოკუპაციო ძალების წარმომადგენლებმა ადგილზე მიიტანეს ახალი ძელები, რომლებსაც დაამონტაჟებენ და მათზე ე.წ. სასაზღვრო ღობის აღმართვას გააგრძელებენ.
