სერბიის დედაქალაქში მცირე შეხლა-შემოხლას ჰქონდა ადგილი 10 აგვისტოს საღამოს, როცა ტრადიციულ ანტისამთავრობო მიტინგზე ოპოზიციის წევრებმა გადაწყვიტეს პრეზიდენტ ალექსანდარ ვუჩიჩის გადადგომის პეტიცია პირადად ჩაებარებინათ პრეზიდენტის მისაღებში.
ვითარება ძალიან დაიძაბა მას შემდეგ, უსაფრთხოების ძალებმა უარი უთხრეს დემონსტრანტებს რეზიდენციაში შესვლაზე. ვიდეოზე ჩანს, თუ როგორ უპირისპირდებიან ერთმანეთს სამართალდამცველები და დემონსტრანტების ჯგუფი.
მეორე დღეს მიტინგის ერთ-ერთმა ორგანიზატორმა, სერჯან მარკოვიჩმა განაცხადა, რომ მან ჭრილობები მიიღო და დაადანაშაულა პრეზიდენტი ვუჩიჩი, რომელმაც ჩვეულებრივი სამხედრო პოლიციის გარდა, დემონსტრანტების წინააღმდეგ გამოიყვანა უშიშროების სხვა ძალებიც. სერბიის პრეზიდენტი უარყოფს ამ ბრალდებებს.
