რუმინელმა ჩოგბურთელმა, სიმონა ჰალეპმა 13 ივლისს უიმბლდონის ტურნირის ფინალურ მატჩში დაამარცხა ამერიკელი სერენა უილიამსი, რითიც მას საშუალება არ მისცა მოეპოვებინა "გრანდ სლემის" ტურნირების სარეკორდო, 24-ე ტიტული.
27 წლის ჰალეპმა 37 წლის უილიამსს მოუგო ორი სეტით, ანგარიშით 6-2, 6-2 და გახდა პირველი რუმინელი, რომელმაც ამ ტურნირზე გაიმარჯვა.
მამაკაცთა ფინალურ მატჩში, 14 ივლისს, შვეიცარიელი როჯერ ფედერერი შეხვდება სერბ ნოვაკ ჯოკოვიჩს.