უკრაინის ხელისუფლება აცხადებს, რომ იძიებს ყუმბარმტყორცნით განხორციელებულ თავდასხმას შენობაზე, რომელშიც განთავსებულია უკრაინის ტელეარხის, "ტელეკომპანია 112"-ის კიევის ოფისი. კიევის პოლიციის ცნობით, 13 ივლისს განხორციელებული თავდასხმის შედეგად არავინ დაშავებულა, თუმცა თავდასხმას ის ტერორისტულ აქტად აფასებს.
გავრცელებულ განცხადებაში პოლიცია ამბობს, რომ ადგილზე მივიდნენ მას შემდეგ, რაც მეზობლებმა დაახლოებით დილის 03:40 საათზე აფეთქების ხმის შესახებ შეატყობინეს. უკრაინის შინაგან საქმეთა სამინისტროს პრესმდივანმა რადიო თავისუფლებას უთხრა, რომ პოლიციას ამ ეტაპზე ეჭვმიტანილები არ ჰყავს, თუმცა გამოძიება აქტიურად მიმდინარეობს.
ერთი დღით ადრე ტელეარხმა განცხადება გაავრცელა და სამართალდამცავებს მოუწოდა არხი დაეცვა "ეროვნული რადიკალებისგან, რომელებიც ზეწოლით და მუქარებით ცდილობენ გავლენა მოახდინონ არხის სარედაქციო პოლიტიკაზე [და] გვაიძულონ გარკვეული პოლიტიკური ინტერესების სასარგებლოდ დავთმოთ მაუწყებლობის მსოფლიო სტანდარტები".