„ნაციონალური მოძრაობის“ თავმჯდომარე გრიგოლ ვაშაძე მთავრობას ერთ საათს აძლევს, რომ შინაგან საქმეთა მინისტრი გიორგი გახარია, სახელმწიფო უსაფრთხოების სამსახურის ხელმძღვანელი ვახტანგ გომელაური და პარლამენტის თავმჯდომარე ირაკლი კობახიძე გადადგნენ. ამის შესახებ მან პარლამენტის წინ მიმდინარე აქციაზე განაცხადა.
„ჩვენ გვაქვს პოლიტიკური მოთხოვნები. ერთი საათი ვაცადოთ, ვნახოთ რას იტყვიან",- განაცხადა გრიგოლ ვაშაძემ.
საქართველოს პარლამენტთან 19 საათისთვის დაწყებული აქცია მას შემდეგ დაიგეგმა, რაც 20 ივნისს, დილით ცნობილი გახდა, რომ საქართველოს პარლამენტის სხდომათა დარბაზში მიმდინარე საპარლამენტთაშორისო ასამბლეის სხდომას სპიკერატის ტრიბუნიდან უძღვებოდა ასამბლეის პრეზიდენტი, რუსეთის დუმის კომუნისტი დეპუტატი სერგეი გავრილოვი.
