რუსეთის საგარეო საქმეთა მინისტრის მოადგილემ, გრიგორი კარასინმა განაცხადა, რომ "შეშფოთებით ვადევნებთ თვალს თბილისში მართლმადიდებლობის ასამბლეის გარშემო მიმდინარე მოვლენებსო".
კარასინი რადიკალურს უწოდებს პოლიტიკურ ძალებს, რომელთა მოქმედებით აღშფოთებას გამოხატავს ის და დასძენს, რომ მათ "მნიშვნელოვანი საერთაშორისო ფორუმი თავის ანტირუსული განწყობების ამოსაფრქვევად გამოიყენეს".
„ინტერპრესს ნიუსს“ მისი სიტყვები მოჰყავს, რომ „მათი აგრესიული ქმედებების გამო, ასამბლეის 25 წევრის პარლამენტარები იძულებულები გახდნენ, დროზე ადრე შეეწყვიტათ სამუშაო. მიუხედავად ამისა, ჩვენ განწყობილები ვართ, გავაგრძელოთ რუსეთ-საქართველოს ურთიერთობების ნორმალიზაციის ხაზი, რომელიც ორივე ქვეყნის ინტერესშია“, - განაცხადა კარასინმა.