არა ოკუპაციას!!! გაუმარჯოს ერთად დგომას ქვეყნის თავისუფლებისთვის ბრძოლაში! - ამის შესახებ დაწერა ბიზნესმენმა მამუკა ხაზარაძე თავის „ფეისბუქში“ იმ ფონზე, როცა პარლამენტის წინ ანტისამთავრობო აქცია მიმდინარეობს.
ოპოზიციური პარტიის წარმომადგენლები, სამოქალაქო აქტივისტები და ათასობით ადამიანი აპროტესტებს, როგორც ისინი აცხადებენ, "ქვეყნის კრემლისთვის ჩაბარებას".
იუწყებიან, რომ პარლამენტში გაძლიერებულია დაცვა და შენობის ეზოში მობილიზებულია პოლიციის დამატებითი ძალები.
თბილისში ვითარება დაიძაბა მას შემდეგ, რაც რაც 20 ივნისს, დილით ცნობილი გახდა, რომ საქართველოს პარლამენტის სხდომათა დარბაზში მიმდინარე საპარლამენტთაშორისო ასამბლეის სხდომას სპიკერატის ტრიბუნიდან უძღვებოდა ასამბლეის პრეზიდენტი, რუსეთის დუმის კომუნისტი დეპუტატი სერგეი გავრილოვი.
