რუსი დეპუტატი სერგეი გავრილოვისასტუმრო „რედისონ ბლუ ივერიის“ ტერიტორიიდან გაიყვანეს. აქციის მონაწილეებმა ავტომანქანამდე მისასვლელი გზა გადაკეტეს და რუს დეპუტატს წყლით სავსე ბოთლები და სხვადასხვა საგნები ესროლეს. გარკვეულ მანძილზე დაცვამ დეპუტატთან ერთად ირბინა, რადგანდეპუტატს მანქანაში ჩაჯდომის საშულება არ ეძლეოდა. გავრილოვის ტერიტორიიდან გაყვანის შემდეგ მოქალაქეებსა და პოლიციას შორის სიტყვიერი დაპირისპირება მოხდა, აქციის რამდენიმე მონაწილე პოლიციამ ტერიტორიიდან გაიყვანა.
როგორც დეპუტატმა ზაქარია ქუცნაშვილმა უთხრა რადიო თავისუფლებას სერგეი გავრილოვი საქართველოს ტოვებს. აეროპორტში თბილისი-მოსკოვის მიმართულებით ფრენა ერთ სააათშია დაგეგმილი.
„რედისონთან“ შეკრებილი მოქალაქეები რუსთაველის გამზირის გავლით პარლამენტისკენ მიემართებიან, სადაც 19.00 საათზე აქციაა დაგეგმილი.
რუსი დეპუტატის სერგეი გავრილოვის გამოსვლას „რედისონიდან“ რამდენიმე საათის განმავლობაში ელოდნენ მოქალაქეები, მათ სასტუმროს შენობის ორივე შესასვლელი გადაკეტილი ჰქონდათ.
