რუსეთის პრეზიდენტი ვლადიმირ პუტინი მეჩვიდმეტედ დაუკავშირდა მოსახლეობას „პირდაპირი ხაზით“, მათ შეკითხვებზე პირდაპირ ეთერში საპასუხოდ.
შეკითხვების უმრავლესობა ეხება სოციალურ პრობლემებს, მცირე და საშუალო მიზნესს, განათლებას, ეკოლოგიას, შეღავათიან მედიკამენტებს.
პუტინი თავიდან პასუხი გასცა შეკითხვას, რომელიც სახელმწიფო პროექტების არსს ეხებოდა. მისი თქმით, მიზანი ცხოვრების დონის ამაღლებაა. პუტინს ჰკითხეს, თუ რატომ ცხოვრობენ რუსეთის მოქალაქეები უარესად.
პრეზიდენტმა აღიარა, რომ პრობლემა არსებობს და დაბალი ხელფასები ახსნა დასავლეთის სანქციებით, ნავთობის ფასის დაცემითა და იმით, რომ რუსები ბევრ კრედიტებს იღებენ. თუმცა, მითი თქმით, ნომინალური ხელფასები იზრდება, ისევე როგორც პენსია, ყველაფერი იზრდება, თქვა პუტინმა, რომელმაც შემდეგ ჯანმრთელობის დაცვის სფეროში დასმული შეკითხვების ნაწილი გადაულოცა ჯანმრთელობის დაცვის მინისტრს, რომელსაც კონკრეტული პასუხები არ გაუცია.
სამ ყველაზე ხშირად დასმული შეკითხვების სფეროში შევიდა ნაგვის და ნაგვის რეფორმების შესახებ შეკითხები. პუტინმა ხალხს ამცნო, რომ მთავრობა ნაგვის 200 გადამამუშავებელი ქარხნის აშენებას აპირებს. მას არაფერი უთქვამს რუსეთის რეგიონებში ნაგავსაყრელების გამო საპროტესტო გამოსვლებზე.
რუსეთის პრეზიდენტმა უკრაინის აღმოსავლეთი რეგიონების თაობაზე საუბრისას „ჭორი“ და „სისულელე“ უწოდა იმის მტკიცებას, რომ რუსეთს ოკუპირებული აქვს დონბასი. ვლადიმერ პუტინმა თქვა, რომ რუსეთთან ნორმალიზების საქმეში პირველი ნაბიჯი კიევმა, ახლად არჩეულმა პრეზიდენტმა, ვლადიმირ ზელენსკიმ. მისი თქმით, ტყვეებს განთავისუფლების თემა კომპლექსურად უნდა განიხილონ.
მალაიზიის თვითმფრინავის ჩამოგდებაში რუსეთის მონაწილეობის შესახებ საერთაშორისო ერთობლივი საგამოძიებო ჯგუფის დასკვნის თაობაზე პუტინმა თქვა, რომ "ჩვენ ვთვლით, რომ იქ არ არის არავითარი მტკიცებულება" რუსეთის ბრალის შესახებ.
პუტინი გამოვიდა ანტინარკოტიკული კანონმდებლობის ლიბერალიზაციის წინააღმდეგი. შეკითხვა მას დაუსვეს ჟურნალისტ ივან გოლუნოვის საქმის გამო. პუტინმა აღიარა, რომ რუსეთის ციხეებში მყოფთა მეოთხედი ნარკოტიკებთან დაკავშირებული დანაშაულისთვის იხდის სასჯელს. მან თქვა, რომ კანონის შერბილებისგან მომავალი საფრთხე ძალიან დიდია.
