ამ წუთებში საქართველოს საპატრიარქოსთან საპროტესტო აქციას მართავს პოლიტიკური გაერთიანება "გირჩი", რომლის წევრები პასუხს სთხოვენ საპატრიარქოს იმის გამო, რაც 20 ივნისს საქართველოს პარლამენტში მოხდა.
რუსეთის დუმის დეპუტატი სერგეი გავრილოვი საქართველოს პარლამენტის თავმჯდომარის სკამზე დაჯდა და მართლმადიდებლური ასამბლეის სხდომა იქიდან წაიყვანა.
"საპატრიარქოს გარეშე ასეთი მართლმადიდებლური ფორუმები არ იმართება. მათი მიზანია, მსოფლიოს აჩვენონ, რომ პრობლემას არ წარმოადგენს გავრილოვისნაირი პირების საქართველოში ჩამოსვლა. ეს იმის ბრალია, რომ დღეს საპატრიარქოს პრორუსული განწყობების ადამიანები მართავენ. ამიტომ, კონკორდატი უნდა გაუქმდეს! საპატრიარქო მერე დაემსგავსება რელიგიურ ორგანიზაციას და ასე თუ გადარჩება მართლმადიდებლობა", - განაცხადა :გირჩის" ლიდერმა ზურაბ ჯაფარიძემ.
"გირჩი" წევრები გეგმავენ შეუერთდნენ პარლამენტის წინ დაგეგმილ აქციას ლოზუნგით "სირცხვილია".
