ადგილობრივი მცხოვრები ლია ჩლაჩიძე ავრცელებს ინფორმაციას, რომ ცხინვალის მხრიდან ერგნეთის მიმართულებით სამხედრო ვერტმფრენი შეფრინდა. ვერტმფრენმა ქართული სოფლების მიმართულებით იფრინა და დიცის მიმართულებით გააგრძელა ფრენა.
სახელმწიფო უსაფრთხოების სამსახურის ცნობით, რუსული ვერტმფრენი ოკუპირებული ტერიტორიის თავზე დაფრინავდა.
"ვერტმფრენმა ფრენა განახორციელა ოკუპირებულ ტერიტორიაზე. ეს საკითხი მწვავედ დადგება ერგნეთის ინციდენტების პრევენციისა და ჟენევის დისკუსიების შეხვეედრებზე", - განმარტეს სახელმწიფო უსაფრთხოების სამსახურში.
