თალიბმა მებრძოლებმა თავდასხმები მოაწყვეს ავღანეთის ჩრდილო-დასავლეთის პროვინცია თახარში,უშიშროების გამშვებ პუნქტებზე და უშიშროების ძალების რვა მოსამსახურე დახოცეს. ამის თაობაზე ცნობა გაავრცელა პროვინციის საბჭოს თავმჯდომარემ.
ვაფიულა რაჰმანის თქმით, 6 მაისს, ხვაია ბაჰაუდინის რაიონში მოკლეს სამი ჯარისკაცი და ხუთი პოლიციელი. მომხდარისთვის პასუხიმგებლობა თალიბანმა იკისრა.
თალიბანი თითქმის ყოველდღე ახორციელებს თავდასხმებს უშიშროების ძალებზე, რისი ფონიც სამშვიდობო მოლაპარაკებებია, რომლის მიზანია 17 წლიანი ომის დასრულება.
ავღანეთის დასავლეთში, ფარაჰის პროვინციაში, კოალიციურმა ძალებმა საჰაერო იერიში მიიტანეს ჰეროინის საწარმო ლაბორატორიებზე, რომლებსაც თალიბანი ამუშავებს. დახოცილთა რიცხვი 15-ია. ფარაჰის საბჭოს წევრმა თქვა, რომ მოკლულები მუშები არიან. ამავე რეგიონის პოლიციის უფროსმა, მოჰიბულა მოჰიბმა განაცხადა, რომ ბაქვას რაიონში დახოცილები თალიბანის წევრები არიან.
