რუსეთის პრეზიდენტმა ვლადიმირ პუტინმა ხელი მოაწერა კანონს რუსეთის ინტერნეტის იზოლაციის შესახებ. ზოგიერთი დებულების გამოკლებით, ის 1 ნოემბერს შევა ძალაში.
კანონი ითვალისწინებს ტექნიკური შესაძლებლობების შექმნას საიმისოდ, რომ საინტერნეტო ქსელის რუსეთის სეგმენტმა მსოფლიო ქსელისგან დამოუკიდებლად შეძლოს მოქმედება. კანონის შესრულებას კოორდინაციას გაუწევს „როსკომნადზორი“, ქსელში დამცველი საშუალებების დაყენების წესს კი რუსეთის მთავრობა დაამტკიცებს.
კრიტიკოსები შიშობენ, რომ ავტონომიური ქსელი ინტერნეტში ტოტალურ ცენზურას გახდის შესაძლებელს.