ოფიციალური ინფორმაციით, სულ მცირე 9 ავღანელი პოლიციელი დაიღუპა თალიბების მიერ მოწყობილ ალყაში ავღანეთის დასავლეთით მდებარე ფარას პროვინციაში. პოლიციელთა კორტეჟზე თავდასხმა იმ დროს განხორციელდა, როდესაც ისინი გზაზე დამონტაჟებული ნაღმის გასაუვნებელყოფად მიემართებოდნენ ანარდარას რაიონში.
ფარას პროვინციის ოფიციალური წარმომდგენლის აბდულ სალეჰის ცნობით, ექსტრემისტებმა 24 აპრილს მცირე ხნით ხელთ იგდეს პოლიციის შტაბიც.
დამატებითმა ძალებმა, რომლებიც მოგვიანებით მივიდნენ შემთხვევის ადგილზე,შეძლეს თავდამსხმელების უკუქცევა.
თალიბანი ირანის საზღვართან მდებარე, ფარას პროვინციის დიდ ნაწილს აკონტროლებს. ამ არეალში მრავალი თვის მანძილზე მიმდინარეობს სასტიკი ბრძოლების თალიბების რაზმებსა და სამთავრობო ძალებს შორის. ძალადობა მატულობს იმ ფონზე, როდესაც აშშ-მა აგრძელებს სამშვიდობო მოლაპარაკებებს თალიბანის წარმომადგენლებთან, რომლის ახალი რაუნდის გამართვა მაისში ყატარში იგეგმება.
