ფეხბურთის საერთაშორისო ფედერაციის პრეზიდენტი ჯანი ინფანტონი საჭიროდ მიიჩნევს რასიზმის წინააღმდეგ უფრო აქტიურად ბრძოლას ბოლო პერიოდის რამდენიმე გახმაურებული ინციდენტის შემდეგ.
13 აპრილს გავრცელებულ განცხადებაში ფიფას პრეზიდენტი მსაჯებს მოუწოდებს, უკიდურეს შემთხვევაში უარი თქვან მატჩის გაგრძელებაზე.
ინფანტინოს აზრით, ფიფას ყველა წევრმა ასოციაციამ, ლიგამ, კლუბმა და დისციპლინარულმა ორგანომ უნდა მიმართოს „მკაცრ სანქციებს ასეთი მოქმედების“ შემთხვევაში, რადგან ფეხბურთში, ისევე საზოგადოებაში, „რასიზმის ადგილი არ არის“.
განცხადებამდე ერთი დღით ადრე, დროებით იქნა შეჩერებული საფრანგეთის საფეხბურთო ლიგის მატჩი მას შემდეგ, რაც რასისტული ნიშნით შეურაცხყვეს ამიენის კლუბის კაპიტანი, პრინს გუანო.
ხოლო ინგლისის ნაკრების წევრები დენი როუზი და რაჰიმ სტერლინგი ამბობენ, რომ რასისტული აგრესია საკუთარ თავზე გამოსცადეს მარტში, მონტენეგროში ჩატარებული საკვალიფიკაციო მატჩის დროს. ამასობაში, ლონდონის „არსენალმა“ დაიწყო გამოძიება გუნდის ქომაგის მიერ „ნაპოლის“ მცველის კალიდუ კულიბალის სავარაუდო შეურაცხყოფის გამო.
