შს მინისტრმა გიორგი გახარიამ 21 დეკემბერს პარლამენტის სხდომაზე ოპოზიციას ბრალი დასდო ზაზა სარალიძის „ადამიანური ტრეგედიით“ სპეკულირებაში.
„პოლიტიკური თვალსაზრისით თქვენ ვერ იქნებით ჩემზე მეტად დაინტერესებულნი ხორავას ქუჩაზე მომხდარი ტრაგედიის გამოძიებით“, - განაცხადა გახარიამ ოპოზიციის რეპლიკაზე, რომ გამოძიება არასათანადოდ რეაგირებს შვილმკვდარი მამის ტრაგედიაზე.
მინისტრის თქმით, ვინაიდან „პარლამენტის საგამოძიებო კომისიამ იმუშავა ისე, როგორც იმუშავა, ამ თემაზე პასუხისმგებლობა გვაქვს საერთო“.
გიორგი გახარიამ დასძინა, რომ შს სამინისტროში გრძელდება ცალკე გამოყოფილი, სამოხელეო დანაშაულის ნაწილან დაკავშირებული გამოძიება.
შს მინისტრის თქმით, მისი უწყების ვალდებულებაა ეს გამოძიება გაგრძელდეს, მანამ სანამ „შესაძლებელ დონეზე საზოგადოებაში არსებულ კითხვებს პასუხი არ გაეცემა.“