პარიზის ხელისუფლებმა გადაწყვიტეს მნახველებისთვის დახურონ ეიფელის კოშკი იმის გამო, რომ ეწყობა საპროტესტო გამოსვლები საწვავის ფასის ზრდის გემო. მერია შიშობს, რომ არეულობაა მოსალოდნელი და ელისეს მინდვრებზე მდებარე მაღაზიების და რესტორნების პატრონებს მიმართეს, შეწყვიტონ მუშაობა დემონსტრაციის პერიოდში. შაბათისთვის, 8 დეკემბრისთვის ასევე გაუქმებულია ყველა მასობრივი ღონისძიება. ამავე დღეს მნახველებს არ მიიღებს პარიზის ათამდე მუზეუმი, რომელთა მმართველები დემონსტრაციების დროს არეულობას შიშობენ, რასაც მუზეუმებზე თავდასხმა შეიძლება მოჰყვეს. საფრანგეთში მესამე კვირაა იმართება დემონსტრაციები, რომელთა მონაწილეები, უპირატესად, მოძრაობა „ყვითელი ჟილეტების“ მიმდევრები, მოითხოვენ საწვავის გადასახადის გაზრდის გაუქმებას. გასულ შაბათს პარიზში 75 ათასი ადამიანი გავიდა ქუჩაში, რასაც არეულობა მოჰყვა. დაშავებული იყო 130 ადამიანი, 400 პირი დააკავეს. ნიღბიანმა პირებმა დაამსხვრიეს მაღაზიების ვიტრინები, სერიოზული ზიანი მიაყენეს ტრიუმფალურ თაღს. პარიზის მერიის მიერ ზარალი შეფასებულია 3-4 მილიონ ევროდ.
