ხანდაზმულმა მოქალაქემ აბაშის საკრებულოს „ქართული ოცნების“ წევრს, რომელიც საარჩევნო უბანზე ხმის მისაცემად იმყოფებოდა, როგორც რიგითი ამომრჩეველი, დახმარება სთხოვა, -განმარტა საქართველოს ცენტრალური საარჩევნო კომისიის სპიკერმა, ანა მიქელაძემ. მისი თქმით, ცენტრალურმა კომისიამ გადაამოწმა ინფორმაცია აბაშის, მე-10 საარჩევნო უბანზე მომხდარ ინცინდენტთან დაკავშირებით. ცესკოს სპიკერის თანახმად, აღნიშნულ შემთხვევაში კანონის დარღვევას არ წარმოადგენს ის ფაქტი, რომ "ქართული ოცნების" დეპუტატმა ამომრჩევლის ნაცვლად შემოხაზა კანდიდატის საარჩევნო ნომერი.
აბაშის საარჩევნო ოლქში, მე-10 უბანზე, ხმის მიცემის ფარულობის შესაძლო დარღვევის ფაქტზე გამოძიება შინაგან საქმეთა სამინისტრომ საქართველოს სისხლის სამართლის კოდექსის 164-ე მუხლით, მედიასაშუალებებით გავრცელებული ვიდეოჩანაწერის საფუძველზე დაიწყო.
ვიდეოში ჩანს, რომ ლეონტი ნადარეიშვილი ,აბაშის საკრებულოს წევრი"ქართული ოცნებიდან", ამომრჩეველთან ერთად შედის კაბინაში, კაბინის გარეთ კი ამომრჩევლების ბიულეტენებს ამოწმებს.
