როგორც მოწმეებთან გასაუბრებით ირკვევა, ჩუმლაყში იარაღიდან გასროლას არჩევნებთან კავშირი არ ჰქონია და სახეზე პოლიტიკური მოტივი არ არის-განმარტა საქართველოს შინაგან საქმეთა მინისტრის მოადგილემ, ნათია მეზვრიშვილმა. მისი ინფორმაციით, ჩუმლაყის მე-19 საარჩევნო უბნიდან მოშორებით მდებარე დასახლებულ უბანში ე.წ. სასიგნალო იარაღიდან არაფხიზელ მდგომარეობაში მყოფმა მოქალაქემ გაისროლა. ნათია მეზვრიშვილის თანახმად, პირი დაკავებულია, საქმე კი სისხლის სამართლის კოდექსის 236-ე მუხლითაა აღძრული.
"ერთიანი ნაციონალური მოძრაობის" წარმომადგენელმა გურჯაანში რამაზ ქერეჭაშვილმა რადიო თავისუფლებას უთხრა, რომ დაახლოებით საღამოს 5 საათისთვის გურჯაანის მუნიციპალიტეტის სოფელ ჩუმლაყის მე-19 საარჩევნო უბანზე"ნაციონალური მოძრაობის" წევრების მისამართით გაისროლეს.
ქერეჭაშვილის განცხადებით, სროლის ხმა იმ დროს გაისმა, როდესაც უბანზე „ნაციონალური მოძრაობის“ წარმომადგენლები იმყოფებოდნენ. მათ შორის იყო მიხეილ სააკაშვილის ძმა დავით სააკაშვილიც.
ქერეჭაშვილის თქმით,საბჭოთა წარმოების „06“-ის მარკის ავტომობილიდან მათთვის უცნობმა პირმა ცეცხლსასროლი იარაღიდა ჰაერში გაისროლა, მომხდარი ფაქტი კი ოპოზიციის ავტომანქანის ვიდეორეგისტრატორმა დააფიქსირა.
შემთხვევის შედეგად არავინ დაშავებულა.
