ესპანეთი ხმას არ მისცემს ევროკავშირიდან დიდი ბრიტანეთის გასვლის შეთანხმებას. როგორც როიტერსი იტყობინება, ამის მიზეზია გიბრალტარის პრობლემის არასაკმარისად მოგვარება. სააგენტოს წყაროთა თანახმად, მადრიდი მოითხოვს ორმხრივ მოლაპარაკებებს ესპანეთსა და ბრიტანეთის მთავრობებს შორის. ესპანეთის პრემიერ-მინისტრი პედრო სანჩესი ადრე ახსენებდა, რომ შესაძლოა მხარი არ დაუჭიროს დოკუმენტს.
მოგვიანებით მედიაში გავრცელდა ცნობები, რომ გიბრალტარის საკითხის მოუგვარებლობის გამო 25 ნოემბრის სამიტში მონაწილეობაზე უარის თქმას აპირებს გერმანიის კანცლერი ანგელა მერკელი.
გიბრალტარი არის დიდი ბრიტანეთის კუთვნილი ტერიტორია. მის მოსახლეობას მჭიდრო ურთიერთობები აქვს ესპანეთთან. 2016 წელს მისმა უმრავლესობამ რეფერენდუმზე მხარი არ დაუჭირა დიდი ბრიტანეთის ევროკავშირიდან გასვლას. ამასთან დაკავშირებით, ნახევარკუნძულის ხელისუფლებამ დაიწყო ევროკავშირში წევრობის შენარჩუნების საკითხის განხილვა. ამასთან, გიბრალტარის ბევრ მაცხოვრებელს არ სურს დიდი ბრიტანეთის შემადგენლობიდან გამოსვლა. 14 ნოემბერს დიდი ბრიტანეთის მთავრობამ დაამტკიცა ევროკავშირიდან გასვლის შეთანხმების პროექტი.
