ბიძინა ივანიშვილის აზრით, საპრეზიდენტო არჩევნების მეორე ტურში სალომე ზურაბიშვილის გამარჯვების შემთხვევაში, არსებობს „ნაციონალური მოძრაობის“ მხრიდან არეულობის მოწყობის საფრთხე, მაგრამ ამ მოძრაობას რესურსი არ გააჩნია.
ხალხი, ივანიშვილის აზრით, ნაწყენია მთავრობაზე, მაგრამ არა აქვს ისეთი დამოკიდებულება, რომ ვერ იტანს “ქართულ ოცნებას“.
ეს აზრი საქართველოს ყოფილმა პრემიერ-მინისტრმა, პარტია „ქართული ოცნების“ თავმჯდომარე ბიძინა ივანიშვილმა გამოთქვა ტელეკომპანია „იმედთან“ ინტერვიუში. სალომე ზურაბიშვილი არის პრეზიდენტობის დამოუკიდებელი კანდიდატი, რომელიც "ქართული ოცნების" მხარდაჭერით სარგებლობს. საპრეზიდენტო არჩევნების მეორე ტურში, 28 ნოემბერს, ის დაუპირისპირდება გაერთიანებული ოპოზიციის კანდიდატ გრიგოლ ვაშაძეს.
