50 პატიმარი მოკლეს ტაჯიკეთის საპატიმროში გასულ კვირაში მომხდარი ამბოხების დროს, ამცნობს რადიო თავისუფლებას წყარო, რომელმაც ვინაობის გამხელა არ ისურვა. ამ მონაცემით, დედაქალაქ დუშამბიდან 300 კილომეტრში მდებარე ხუჯანდის საპატიმროში ამბოხების დროს დახოცილთა რიცხვი ორჯერ მეტია. წყარომ, რომელიც სახელმწიფო უწყების ოფიციალური თანამშრომელია, რადიო თავისუფლების კორესპონდენტს 12 ნოებერს უჩვენა 7 ნოემბერს დახოცილების სია მაგრამ არ მისცა ფოტოგრაფირების უფლება. მთავრობასთან და სამართალდამცავი ორგანოებთან დაახლოებულმა წყაროებმა ადრე რადიო თავისუფლებას უთხრეს, რომ სულ მცირე, 24 პირი იქნა მოკლული, მათ შორის ორი ზედამხედველი. მოკლული პატიმრების ნათესავებმა უთხრეს რადიო თავისუფლების კორესპონდენტს, რომ მათ არ მიცეს მოკლულების მაჰმადიანური წესით დასაფლავების შესაძლებლობა და ისინი დახურულ კუბოებში დაასაფლავეს. ისლამურმა სახელმწიფომ განაცხადა, რომ მისი ერთ-ერთი „მებრძოლია“, პასუხისმგებელი ტაჯიკეთის ჩრდილოეთში 7 ნოემბერს მომხდარი ამბოხების დაწყებისთვის. ისლამური სახელმწიფოს განცხადებით, ამბოხება მაშინ დაიწყო, როცა ისლამური სახელმწიფოს წევრი თავს დაესხა საპატიმროს გუშაგს. ხუჯანდის საპატიმროში სასჯელს იხდიან ტერორიზმთან, ექსტრემიზმთან და სხვა სერიოზულ დანაშაულისთვის განს ჯილი პირები.