რუსეთის ტერიტორიიდან გასვლა აუკრძალეს ოპოზიციონერ პოლიტიკოსს, ალექსეი ნავალნის. ის დღეს მიემგზავრებოდა სტრასბურგში, სადაც ადამიანის უფლებათა ევროპულმა სასამართლომ უნდა გამოაცხადოს გადაწყვეტილება ნავალნის სარჩელზე. ოპოზიციონერმა პოლიტიკოსმა სოციალური ქსელებით გაავრცელა ინფორმაცია, რომ მოსკოვის აეროპორტში სასაზღვრო კონტროლის დროს ჩამოართვეს პასპორტი "შემოწმების სპეციალური ღონისძიებებისთვის," შემდეგ კი აცნობეს, რომ არსებობს წერილი, რომლის თანახმად, რუსეთიდან გასვლა აკრძალული აქვს. ნავალნის ცნობითვე, მიზეზი არ განუმარტეს. 15 ნოემბერს, ადამიანის უფლებათა ევროპულმა სასამართლომ უნდა გამოაცხადოს გადაწყვეტილება ალექსეი ნავალნის სარჩელზე, რომელიც ეხება 2012-2014 წლებში მის დაკავების და ადმინისტრაციულ სამართალდარღვევებში დამნაშავედ ცნობის ფაქტებს.