გავრცელებული ინფორმაციით, საქართველოს ყოფილ მთავარ პროკურორს, ოთარ ფარცხალაძეს ბრალი წაუყენეს. ის დღეს შსს-ს ძველი თბილისის პირველ განყოფილებაში დაკითხვაზე იმყოფებოდა. ამ დროისთვის არსებული ინფორმაციით, ოთარ ფარცხალაძის შესახებ განცხადებას პროკურატურა 6 ნოემბერს გააკეთებს. არ არის ცნობილი რომელ საქმეზე დაიწყო ყოფილი მთავარი პროკურორის სისხლისსამართლებრივი დევნა. "ინტერპრესნიუსი" წერს, რომ "არაოფიციალური ინფორმაციით, ფარცხალაძეს ბრალი ყოფილი მთავარი აუდიტორის, ლაშა თორდიას ცემის საქმეზე წარედგინა".