აშშ-ის პოლიტიკური წრეებისა და მედიის ინფორმაციით, ავღანეთის დედაქალაქ ქაბულში ინსაიდერული თავდასხმის შედეგად 3 ნოემბერს დაღუპული ჯარისკაცი აღმოჩნდა იუტის შტატის ერთ-ერთი ქალაქის მერი.
39 წლის ბრენტ ტეილორი, ჩრდილოეთ ოგდენის მერი, იუტის ეროვნული გვარდიის დანაყოფთან ერთად იანვრიდან იმყოფებოდა ავღანეთში, როგორც ავღანეთის სპეცდანიშნულების ნაწილის მრჩეველი. ტეილორის დაღუპვა ინსაიდერული თავდასხმის შედეგად დაადასტურეს იუტის შტატის სენატორმა და შტატის გუბერნატორის მოადგილემ.
ქალაქი ჩრდილოეთი ოდგენი, რომელშიც 17 ათასი მცხოვრებია, შტატის დედაქალაქ სოლთ-ლეიკ-სიტიდან ჩრდილოეთით მდებარეობს.
ტეილორის გარდა თავდასხმის შედეგად დაიჭრა ერთი ამერიკელი ჯარისკაცი. თავდამსხმელი აღმოჩნდა ავღანეთის უსაფრთხოების წარმომადგენელი, რომელიც ადგილზევე გაანადგურეს თავად ავღანელმა სამხედროებმა. თავდასხმაზე პასუხისმგებლობა არცერთ ექსტრემისტულ დაჯგუფებას არ აუღია. მანამდე მსგავსი თავდასხმები მოხდა ჰერათისა და ყანდაარის პროვინციებში, რაზეც პასუხისმგებლობა თალიბანმა იკისრა.
