24 წლის კაცი "ქირურგიის ეროვნულ ცენტრში" სასწრაფო დახმარების ბრიგადამ გადაიყვანა მას მერე, რაც ის მე-14 სართულიდან გადმოვარდა. რადიო თავისუფლებას "ქირურგიის ეროვნული ცენტრიდან" აცნობეს, რომ პაციენტს არანაირი დაზიანება არ აღენიშნება და ის გონზეა. ცენტრის თანახმად, პაციენტი ამბობს, რომ ის ფანჯარასთან ფეხი დაუცდა და გადავარდა, რის შემდეგაც გარაჟში ჩავარდა, სადაც პუფები ელაგა.
მამაკაცი ამჟამად დაჟეჟილობით გადაუდებელი სამედიცინო დახმარების განყოფილებაში რჩება და მას აკვირდებიან, თუმცა ქირურგიის ეროვნული ცენტრის თანახმად, კომპიუტერულმა ტომოგრაფიამ უკვე აჩვენა, რომ მოტეხილობა ან რაიმე სხვა დაზიანებები არ აქვს მიღებული.
