28 ოქტომბრის საპრეზიდენტო არჩევნების წინასწარი შედეგებით, თბილისში ყველაზე მეტი 153204 ხმა მიიღო "ნაციონალური მოძრაობის" კანდიდატმა, გაერთიანებული ოპოზიციის მიერ მხარდაჭერილმა გრიგოლ ვაშაძემ. დამოუკიდებელ კანდიდატს, "ქართული ოცნების" მიერ მხარდაჭერილ სალომე ზურაბიშვილს 149044 ხმა აქვს. თბილისში უკვე დათვლილია ათივე საარჩევნო ოლქის შედეგები. ცესკოს მონაცემებით, თბილისში ამომრჩეველთა აქტივობა 45,4% იყო.