ნატო იწყებს საბჭოთა კავშირის დაშლის შემდეგ უდიდეს სამხედრო წვრთნებს, რომელთაც ალიანსი მოიხსენიებს თავისი უნარების, ერთიანობისა და სიმტკიცის დემონსტრირებად ევროპაში მზარდი საფრთხეების ფონზე. ნატოს გენერალურმა მდივანმა იენს სტოლტენბერგმა 24 ოქტომბერს ბრიუსელში გამართულ პრეს-კონფერენციაზე თქვა, რომ ხვალ ნორვეგიაში დაიწყება „ერთობლივ სამკაპად“ წოდებული წვრთნების მთავარი ფაზა. წვრთნებს აკრიტიკებს მოსკოვი, რომელსაც ნატოსთან მკვეთრად გაუუარესდა ურთიერთობა 2014 წელს ყირიმის ანექსიისა და აღმოსავლეთ უკრაინაში სეპარატისტების მხარდაჭერის დაწყების შემდეგ.