რუსეთის მიმართ უკრაინელების დამოკიდებულება უკანასკნელი ერთი წლის განმავლობაში საგრძნობლად გაუმჯობესდა, რუსებისა უკრაინის მიმართ კი არ შეცვლილა. ამაზე მეტყველებს „ლევადა-ცენტრისა“ და კიევის სოციოლოგიის საერთაშორისო ინსტიტუტის მიერ ჩატარებული ერთობლივი გამოკითხვა, რომელიც ორივე ქვეყანაში ჩატარდა სექტემბრის ბოლოს. გამოკვლევის მიხედვით, უკრაინელ რესპონდენტთა 48% რუსეთის მიმართ დადებითადაა განწყობილი. 2017 წლის სექტემბერში ეს მაჩვენებელი 37%-ს უდრიდა. რუსეთში რესპონდენტთა ერთმა მესამედმა განაცხადა, რომ დადებითადაა განწყობილი მეზობელი ქვეყნის მიმართ. ეს 2%-ით მეტია შარშანდელ მაჩვენებელზე.
