ბარსელონაში 85 წლის ასაკში გარდაიცვალა ესპანელი სოპრანო მონსერატ კაბალიე. საავადმყოფოში იგი სექტემბრის შუა რიცხვებში მოათავსეს. საოპერო მომღერლის ჯანმრთელობის მდგომარეობა 2012 წელს, ინსულტის გადატანის შემდეგ გაუარესდა. მონსერატ კაბალიეს რეპერტუარში 100-მდე საოპერო პარტია იყო. მომღერალმა ერთობლივი ალბომი „ბარსელონა“ ფრედი მერკურისთან ერთად ჩაწერა, სიმღერა „ბარსელონა“ კი 1992 წლის ზაფხულის ოლიმპიური თამაშების ჰიმნი იყო. 2010 წელს მონსერატ კაბალიე თბილისშიც იმყოფებოდა. მან პაატა ბურჭულაძის საქველმოქმედო ფონდის მიერ ორგანიზებულ კონცერტში იმღერა. საქველმოქმედო კონცერტში მონაწილეობდა მისი ქალიშვილი, მონსერატ მარტიც. მონსერატ კაბალიეს, მედიის ცნობით, 8 ოქტომბერს დაკრძალავენ.
