პარლამენტის შენობასთან ზაზა სარალიძისა და მალხაზ მაჩალიკაშვილის მხარდამჭერი აქცია განახლდა, რომელსაც გაერთიანებული ოპოზიცია, „ძალა ერთობაშია" შეუერთდა. მანამდე სარალიძე და მაჩალიკაშვილი მივიდნენ ფილარმონიაში, სადაც ამომრჩევლებთან შეხვედრა გამართა კოალიციის „ძალა ერთობაშია“ საპრეზიდენტო კანდიდატმა გრიგოლ ვაშაძემ. სწორედ აღნიშნულ შეხვედრაზე გადაწყდა ფილარმონიიდან პარლამენტამდე მსვლელობის გამართვა. როგორც მსვლელობის დაწყებამდე ზაზა სარალიძემ განაცხადა, იმედი აქვს, რომ ხელისუფლება გონს მოეგება და თვითლიკვიდაციას გამოაცხადებს.