„სახელმძღვანელოების გრიფირების პროცესში გამოვლენილი ხარვეზები, შესაძლოა, სისხლის სამართლის დანაშაულების ნიშნებს შეიცავდეს“, - აცხადებენ განათლების, მეცნიერების, კულტურის და სპორტის სამინისტროში.
იურიდიული დეპარტამენტის უფროსის მოადგილის, ეკატერინე მაჩიტიძის განცხადებით, ინსპექტირების შედეგებს რეაგირებისთვის სამართალდამცავ უწყებებს გაუგზავნიან.
მისივე თქმით, გრიფირების პროცესი დასრულებულია, შედეგად კი 1-6 კლასის მოსწავლეებისთვის შინაარსობრივად, ვიზუალურად და ტექნიკურად განახლებული სახელმძღვანელოები დაიბეჭდება.
