ტელეკომპანია "იმედში" თანამშრომელთა პროტესტია. ერთმა წყარომ რადიო თავისუფლებას უთხრა, რომ ხელფასის შემცირების გამო ტელეოპერატორები გაიფიცნენ. სხვა წყარო გაფიცვას არ ადასტურებს. მისი ინფორმაციით, თანამშრომლებმა არხის ხელმძღვანელებს ულტიმატუმის ფორმით მოთხოვეს ხელფასთან დაკავშირებული პრობლემების მოგვარება. ამ წყარომ კონკრეტული პრობლემა არ დაგვისახელა. "იმედი" ამჟამად ჩვეულ რეჟიმში მაუწყებლობს. 14 საათზე ეთერში გავიდა საინფორმაციო პროგრამა "ქრონიკაც."