უნგრეთის პრემიერ-მინისტრმა ვიქტორ ორბანმა პირობა დადო, რომ განავითარებს ურთიერთობას ყირგიზებთან და შუა აზიის სხვა თურქულენოვან ხალხებთან. როგორც ორბანმა 4 სექტემბერს ბიშკეკში ვიზიტისას თქვა, მისთვის პატივია, იყოს უნგრეთის პირველი პრემიერ-მინისტრი, რომელიც ყირგიზეთს ესტუმრა. „უნგრეთს ახსოვს თავისი წარმომავლობა. ევროპაში მიგვიჩნევენ ყველაზე აღმოსავლელ დასავლელ ხალხად. მაგრამ ამავე დროს უცხოდ გვთვლიან, რადგან იქ ნათესავები (რედ: წინაპრები) არა გვყავს. უნგრეთი მოუვლის თავის კულტურულ ფესვებს“, განაცხადა ორბანმა და „წარმატებული“ უწოდა ბიშკეკში თავის ვიზიტს. მან უნგრეთში მიიწვია ყირგიზეთის პრეზიდენტი სურონბაი ჯინბეკოვი, რომელსაც მადლობა გადაუხადა თურქულენოვანი სახელმწიფოების საბჭოში უნგრეთის შეყვანის აქტიური მხარდაჭერისათვის. ეს საბჭო 2009 წელს შექმნეს აზერბაიჯანმა, ყაზახეთმა, ყირგიზეთმა და თურქეთმა. ორბანი და უზბეკეთის პრეზიდენტი შავკათ მირზიოევი „საპატიო სტუმრების“ რანგში დაესწრნენ თურქულენოვანი სახელმწიფოების საბჭოს სამიტს, რომელსაც 3 სექტემბერს უმასპინძლა ყირგიზეთის კურორტმა ჩოლპონ-ატამ.