რუსეთის საინფორმაციო სააგენტოები აცხადებენ, რომ მოსკოვის სასამართლომ ოპოზიციონერ აქტივისტს, ალექსეი ნავალნის 30 დღით მიუსაჯა პატიმრობა, მას შემდეგ, რაც ის დამნაშავედ სცნო საპროტესტო კანონების დარღვევაში. სასამართლოს ეს გადაწყვეტილება ნავალნის საშუალებას ართმევს მონაწილეობა მიიღოს მომავალ თვეში დანიშნულ აქციაში, რომლის სამიზნეა მთავრობის წინადადება ქვეყანაში საპენსიო ასაკის გაზრდასთან დაკავშირებით. სასამართლომ ნავალნი დამნაშავედ სცნო საპროტესტო კანონმდებლობის დარღვევაში, იანვარში მოსკოვში ქუჩის არასანქცირებული დემონსტრაციის ორგანიზებაში მონაწილეობის მიღების გამო. პოლიციამ ნავალნი 25 აგვისტოს, მის სახლთან დააკავა. მთავრობის წინადადება გაიზარდოს საპენსიო ასაკი უკმაყოფილებას იწვევს მთელი ქვეყნის მასშტაბით.