აშშ და ავღანეთი აცხადებენ, რომ მონაწილეობას არ მიიღებენ რუსეთში მომავალ თვეში დანიშნულ სამშვიდობო მოლაპარაკებებში - ქაბული ამბობს, რომ ურჩევნია პირდაპირი დიალოგი გამართოს თალიბანთან. ავღანეთის საგარეო საქმეთა სამინისტროს პრესმდივანმა, სიბღატულა აჰმადიმ რადიო თავისუფლებას 22 აგვისტოს უთხრა, რომ მოსკოვის კონფერენციაში არ მონაწილეობის გადაწყვეტილება მიღებულ იქნა პრეზიდენტ აშრაფ ღანის კონსულტაციებში სხვა ოფიციალურ პირებთან. ამ გადაწყვეტილებამ შესაძლოა მოსკოვს უბიძგოს გააუქმოს ღონისძიება, რომელშიც თორმეტ ქვეყანას უნდა მიეღო მონაწილეობა. ვრცელდება ავღანეთის საგარეო საქმეთა სამინისტროს ანონიმურად დატოვებული მუშაკის სიტყვები, რომ ქაბულს ურჩევნია პირდაპირი მოლაპარაკება გამართოს თალიბანთან, უცხოეთის ქვეყნების მონაწილეობის გარეშე. პარალელურად, აშშ-ის სახელმწიფო დეპარტამენტის პრესმდივანმა დაადასტურა მანამდე გავრცელებული ცნობები, რომ აშშ არ მიიღებს მონაწილეობას 4 სექტემბრისთვის დანიშნულ შეხვედრაში, რადგან ეს შეხვედრა დიდი ალბათობით "ვერ მოიტანს რაიმე პროგრესს" სამშვიდობო გადაწყვეტისკენ. რუსეთი აცხადებს, რომ მიიწვია თალიბანი და 12 ქვეყანა, მათ შორის ავღანეთი და აშშ. თალიბანის პრესმდივანი, ზაბიჰულა მუჯაჰიდი ამბობს, რომ ეს ექსტრემისტული ჯგუფი რუსეთში გაგზავნის დელეგაციას.
