პარტია „ქართული ოცნების“ თბილისის ოფისში დაიგეგმა საპარლამენტო უმრავლესობის სხდომა, რომელსაც წინასწარი ინფორმაციით, დაესწრებიან პარტიის თავმჯდომარე ბიძინა ივანიშვილი და პრემიერ-მინისტრი, გიორგი კვირიკაშვილიც. 12 ივნისს, დილიდან მედიასაშუალებებით ვრცელდება ინფორმაცია მთავრობაში მოსალოდნელი საკადრო ცვლილებების შესახებ, რასაც ოფიციალურად ჯერჯერობით არავინ ადასტურებს. საპარლამენტო უმრავლესობის სხდომა 15 საათზეა დანიშნული.