რუსეთის პრეზიდენტმა ვლადიმირ პუტინმა 24 მაისს სანკტ პეტერბურგში მიიღო მისი ფრანგი კოლეგა, ემანუელ მაკრონი. მოლაპარაკებები შეეხება ირანის ბირთვულ შეთანხმებას, ასევე სირიისა და უკრაინის კონფლიქტებს. ვლადიმირ პუტინის განცხადებით, ორ ქვეყანას შორის ურთიერთობები „ვითარდება, მიუხედავად ამჟამინდელი გართულებებისა. ვაჭრობა იზრდება“. ეს მაკრონის პირველი ვიზიტია რუსეთში პრეზიდენტის რანგში. მას წინ უძღოდა რუსეთში გერმანიის კანცლერის, ანგელა მერკელის ვიზიტი.