2008 წლის აგვისტოს ომის დროს და მის შემდგომ პერიოდში რუსეთის მიერ საქართველოსა და მისი მოქალაქეების მიმართ ჩადენილი დარღვევების შესახებ გადაწყვეტილება, სავარაუდოდ, რამდენიმე თვეში გამოცხადდება. დღეს, 23 მაისს, გამართულ ზეპირ მოსმენაზე კი საქართველოს მხარე მტკიცებულებებით გამყარებული პოზიციებით წარდგა. 17 ქვეყნის მოსამართლეებით დაკომპლექტებული დიდი პალატის წინაშე თავისი სიტყვა საქართველოს ინტერესების დამცველმა ბრიტანელმა ადვოკატმა ბენ ემერსონმა იმის აღნიშვნით დაიწყო, რომ დამოუკიდებლობიდან 100 წლის შემდეგაც რუსეთი საქართველოს ტერიტორიების აგრესიულ ოკუპაციას განაგრძობს.
