სომხები აღნიშნავენ პირველი მსოფლიო ომის დროს ოსმალეთის იმპერიაში სომეხთა ხოცვა-ჟლეტის ხსოვნის დღეს - ერთ დღეში მას შემდეგ, რაც მრავალათასიანმა საპროტესტო გამოსვლებმა გადადგომა აიძულა ქვეყნის პრემიერ-მინისტრ სერჟ სარქისიანს. 24 აპრილს პატივს მიაგებენ ხოლმე სომხეთსა და მრავალ სხვა ქვეყანაში გენოციდად მიჩნეული ტრაგიკული მოვლენების მსხვერპლთ. წელს ერთი დღით ადრე ერევნისა და სხვა ქალაქების ქუჩებში იზეიმეს პრემიერ-მინისტრის პოსტიდან ყოფილი პრეზიდენტის, სერჟ სარქისიანის გადადგომა. ოპოზიციონერი პარლამენტარი ნიკოლ ფაშინიანი, რომელიც სათავეში ედგა 11-დღიან საპროტესტო გამოსვლებს, მხარდამჭერებს გაუძღვა ერევანში მდებარე მემორიალისაკენ. 25 აპრილს გაიმართება ფაშინიანის შეხვედრა პრემიერ-მინისტრის მოვალეობის შემსრულებელთან, კარენ კარაპეტიანთან, სომხეთის პოლიტიკურ ცხოვრებაში მომდევნო ნაბიჯებზე მოსალაპარაკებლად.