სომხეთის თავდაცვის მინისტრს, ვიგენ სარქისიანს იმედი აქვს, რომ ქვეყანაში მიმდინარე საპროტესტო აქციების გამო საჭირო არ გახდება საგანგებო მდგომარეობის გამოცხადება. სარქისიანის თქმით, მისი და ყველა თანამემამულის სურვილია, რომ საგანგებო მდგომარეობის რეჟიმი აუცილებელი არ გახდეს არც ამჟამად და არც მომავალში. „კანონმდებლობით ეს გაწერილია, მაგრამ იმედი გვაქვს, საჭირო არ გახდება“ - განაცხადა სომხეთის თავდაცვის მინისტრმა. რაც შეეხება სამხედროების გამოყენებას, ვიგენ სარქისიანის განმარტებით, კანონმდებლობით ეს შესაძლებელია მხოლოდ საგანგებო მდგომარეობის პირობებში კონკრეტული ამოცანების შესასრულებლად. სომხეთში უკვე რამდენიმე დღეა მიმდინარეობს ხალხმრავალი საპროტესტო აქციები პრემიერ-მინისტრის, სერჟ სარქისიანის გადადგომის მოთხოვნით.