„ბორჯღალოსნებმა“ რუმინეთის ეროვნული ნაკრები დაამარცხეს ანგარიშით - 25:16 და „რაგბი ევროპა 2018“-ის ტიტულთან ერთად ანთიმოზ ივერიელის სახელობის თასსაც დაეუფლნენ.
ქართველი მორაგბეები დღეს, ფინალურ მატჩზე თეთრი მაისურებით გამოვიდნენ, რომელზედაც "ტატუნაშვილი" ეწერა - 23 თებერვალს ოკუპირებულ ტერიტორიაზე გაურკვეველ ვითარებაში დაღუპული საქართველოს მოქალაქის, არჩილ ტატუნაშვილის გვარი.
დღეს საუკეთესო მოთამაშე კოკი თხილაიშვილი გახდა. ბორჯღალოსნებმა „რაგბი ევროპა 2018“-ის მიმდინარეობისას ხუთი თამაშიდან ხუთივე მოიგეს და სატურნირო ცხრილის პირველ საფეხურზე გამარჯვებით დაასრულეს.