პიონჩანგის ზამთრის ოლიმპიურ თამაშებზე ბობსლეიში ქალთა ორადგილიან ეკიპაჟებს შორის უმაღლეს ჯილდოს გერმანია დაეუფლა. მარიამა იამანკასა და ლიზა ბუკვიცის დუეტმა 0,07 წამით აჯობა ამერიკელ კონკურენტებს - ელენა მეიერს ტეილორსა და ლორენ გიბსს. მესამე საპრიზო ადგილი დაიკავეს კანადელებმა - კაილი ჰემპრიზმა და ფილისია ჯორჯმა. გერმანიამ პიონჩანგის ოლიმპიადაზე მეთორმეტე ოქროს მედალი მოიპოვა და საერთო გუნდურ ჩათვლაში მეორე ადგილზეა. ლიდერი კი ნორვეგიაა, ცამეტი ოქროს მედლით.