18 იანვარს თბილისში, ერთ-ერთ მშენებლობაზე, მშენებარე კორპუსის მეოთხე სართულიდან კიდევ ერთი მუშა ჩამოვარდა და დაიღუპა. ის 26 წლის იყო. როგორც ირკვევა, მას ფეხი დაუცურდა. ის უკვე მეჩვიდმეტე ადამიანია, ვინც 2017 წლის დასაწყისიდან ამ დრომდე სწორედ მშენებლობაზე დაიღუპა. საქართველოს პროფკავშირის ცნობით, გასული ერთი წლის განმავლობაში სამუშაო ადგილზე შრომითი უსაფრთხოების ნორმების დარღვევის გამო სულ 40 ადამიანია დაღუპული.