ხანძარი გაჩნდა ნიუ-იორკის „ტრამპ ტაუერში“ – ცეცხლი 58-სართულიანი ცათამბჯენის სახურავზე გაჩნდა. დაშავებულია ორი ადამიანი, ერთი მათგანის მდგომარეობა კი მძიმეა. ხანძრის გამომწვევი ზუსტი მიზეზი, ჯერჯერობით, უცნობია. ვარაუდობენ, რომ ის შესაძლოა მოკლე ჩართვა გამხდარიყო. ადგილზე სამაშველო ბრიგადები ამ დრომდე მუშაობენ. ინციდენტის დროს პრეზიდენტი ტრამპი, ოჯახის წევრებთან ერთად, ვაშინგტონში იმყოფებოდა.