ერაყის ნავთობის მინისტრის თანახმად, ეს ქვეყანა ქირქუქის საბადოდან ირანისთვის ნავთობის მიწოდებას იანვრის ბოლოსთვის დაიწყებს. მინისტრის, ჯაბარ ალ-ლუაბის თქმით, დღეში 30 ათასი ბარელი ნავთობი მიეწოდება ირანის ქერმანშას ნავთობგადამამუშავებელ საწარმოს. ეს მიწოდება გაცვლის შესახებ დეკემბერში დადებული ხელშეკრულების თანახმად მოხდება. ირანის სამაგიეროდ მიაწოდებს ნავთობს სამხრეთ ერაყს.