Բուլղարիայի մայրաքաղաքում շարունակվող բռնցքամարտի Ստրանջայի ներկայացուցչական մրցաշարում Հայաստանի հավաքականի անդամ, 60 կգ քաշային Արթուր Բազեյանը քառորդ եզրափակչի ճանապարհին հանդիպեց ամերիկացի Սալիմ Էլլիս-Բեյին ու պարտվեց միավորներով։ Մենամարտն ընդհանուր առմամբ անցավ հավասար պայքարում, սակայն ամերիկացի բռնցքամարտիկը աչքի ընկավ արագաշարժությամբ, ռինգում անդադար տեղաշարժումներով ու ֆիզիկական պատրաստվածությամբ, ինչի հաշվին էլ առավելության Հասավ մեր բռնցքամարտիկի նկատմամբ։ Աշոտ ՀԱԿՈԲՅԱՆ
