Ո՞վ երբեք մտածած էր որ Քրիստոսի խաչակից եղող աւազակը՝ Քրիստոսի հաւատալու պարգեւը պիտի ստանար, եւ այն ալ՝ խաչին վրայ։ Որքա՜ն զարմանալի եւ մեծ է մեր Տէրը՝ Յիսուս Քրիստոս, որ խաչին վրայ անգամ ուրիշով կը զբաղէր եւ կը հետաքրքրուէր։ Անկասկած որ ոեւէ մարդ երբ դատապարտուի մահուան, իր հոգին աւանդելէ առաջ, աչքերը երկինք կը յառէ եւ կը բացականչէ՝ ըսելով. «Տէ՜ր, ներէ ինծի, ներէ մեղքերս, կ՚աղաչեմ»։
