«Տոտենհեմի» դարպասապահ Գուլիելմո Վիկարիոն պատմել է, որ Պրեմիեր լիգայի 12-րդ տուրում «Մանչեսթեր Սիթիի» դեմ խաղում (4:0) կոճի կոտրվածքով խաղացել է 60 րոպե։
«Երբեմն ֆուտբոլը տալիս է քեզ լավագույնը, իսկ երբեմն այն մարտահրավեր է նետում քեզ: Ես 60 րոպե «Էթիհադում» խաղացի կոճի կոտրվածքով՝ տալով բացարձակապես այն ամենը, ինչ ունեի թիմի համար: Ցավոք սրտի, սրանից չի կարելի խուսափել… Ինձ վիրահատություն էր պետք։
Ես հիասթափված եմ, որ որոշ ժամանակ չեմ կարողանա օգնել թիմին։ Շատ շնորհակալություն բժիշկներին և անձնակազմին։ Վիրահատությունը հաջող է անցել, և վաղվանից ես քրտնաջան կաշխատեմ, որպեսզի դառնամ ավելի ուժեղ, առողջ։
Շնորհակալություն երկրպագուներին սիրո համար: Կհանդիպենք շուտով խաղադաշտում»,- գրել է Վիկարիոն։
Դեռևս հայտնի չէ, թե որքան կպահանջվի իտալացուց խաղադաշտ վերադառնալու համար։
