«Լիվերպուլի» գլխավոր մարզիչ Արնե Սլոտն արձագանքել է Պեպ Գվարդիոլայի հետ «Մանչեսթեր Սիթիի» պայմանագիրը երկու տարով երկարաձգելու լուրերին։
«Սա լավ նորություն է առաջին հերթին «Ման․Սիթիի» համար, բայց նաև լավ նորություն է լիգայի համար, քանի որ բոլորն ուզում են այստեղ ունենալ լավագույն մարզիչներ և խաղացողներ:
Նա, անկասկած, առաջնության լավագույն մասնագետներից է, եթե ոչ լավագույնը։ Քանի որ Պեպը չորս անընդմեջ չեմպիոնություն է նվաճել, կարելի է վստահորեն ասել, որ նա Պրեմիեր լիգայի լավագույն մարզիչն է:
Սա լավ է «Մանչեսթեր Սիթիի» երկրպագուների համար և հետաքրքիր մեզ համար, քանի որ մենք կշարունակենք խաղալ ֆուտբոլի պատմության լավագույն մարզիչներից մեկի դեմ»,- Սլոտի խոսքերն է մեջբերում Mirror-ը։
